السلام عليكم ورحمة الله

لن اقول مبروك....لان التهنئة فى هذا التوقيت هو نوع من انواع الافراط  فى الفرحة....والحقيقة اننا يجب ان نقيم عزاءا وسرادقا لكى نأخذ العزاء فى اقذر عشر سنوات قضتها مصر فى حياتها من ظلم واستبداد.....

حاجة كدة زى اللى اتقتل له قتيل ,,ورفض استلام العزاء فيه حتى يتم عقاب القاتل ....ولما جه العقاب ....اهل القتيل مش هيعملوا فرح..لا..هياخدوا عزاء اللى مات

---------------

فى فترة من فترات اى شعب لابد من وقت ما ينفعش فيه السكوت....لازم تكون اما (مع) او (ضد)

بكل اسف ...كرويا لم نجد شخصية كروية رياضية ايدت الشباب والشعب وثورته ضد نظام مبارك....مفيش الا د. علاء صادق الذى تمت محاربته لانه انتقد مولانا حبيب العادلى!!!فى عهد السلطان مبارك

بالطبع لان مجتمع الكورة كله من المستفيدين من النظام واستقراره وبحر الملايين اللى بتجرى فيه.....

وطبعا كان بعض الزملاء لا يعجبهم ما كنت اتحدث بيه ويردوا عليا ويقولوا (ارزاااااااااااااااق)

وطبعا ده لم يكن ارزاق ....ولكنه سفه النظام

ويرد اخر ...ان فى اوروبا والدول المتقدمة لاعب الكرة والفنانين بيتقاضوا اموالا طائلة ...وده نظام عالمى واقتصاد منفصل عن اقتصاد الدولة بميزانية مستقلة.....وتناسى هؤلاء ان مصر ليس بها تأمين علاجى ولا بدل بطالة ولا علاج مجانى ولا حد ادنى ادمى للاجور ...زى اوروبا والدول المتقدمة

وسبحان الله ....ما فعله نظام مبارك من الاهتمام بمجالات الفن والكورة ودعمه الكامل لهذا المجالين بالذات لالهاء الناس عن السياسة الداخلية....تحولت اموال الفن والكورة الى مصدر استفزاز للناس والشعب .......

-------------------

ما يعنينى هنا هو انبطاح نجوم الكرة كلهم ....كلهم وقفوا على الحياد ....باستثناء التوأم اللى كان موقفه واضح ومحدد وكان مؤيدا للنظام ...بل وشتم فى شباب الثورة كمان!!!!

وحتى ما اثير عن نادر السيد وهادى خشبة من تضامنهم ...نعم ...كان تضامن متأخر قليلا....

لم يكونوا مثلا زى عمرو واكد و خالد الصاوى وخالد صالح وعبد العزيز مخيون وخالد يوسف ...كلهم من اهل الفن ...وكلهم يتقاضون ملايين من الفن والتمثيل ورغم كدة كانوا من ابطال 25 يناير من اول يوم

ورغم ذلك لم يتحرك فعليا لاعب او مسؤول كروى واااااااااااحد

وطبعا يعد يوم الجمعة 28 انضم شوبير للموجة الكسبانة.....وذلك طبعا لانه كان من المقلوشين من الحزب الوطنى

تخيلوا ....ولا لاعب واحد اعلن تأييده لثورة الشعب

حتى اسلام عوض بتاع انبى خرج تانى يوم الثورة ونفى انه خرج ....وان ده كان تشابه فى الشكل فقط!!!!!!!!!

هذه هى الكورة ....التى كنا نتغنى بوطنية اللاعبين...ومصرية النجوم وحبهم لمصر.....هل تتذكروا الشجن والتضخيم من حجم الكرة وان الكرة تزيد من وطنية الشعوب........ههههههههههه.....هذا ما كان يقال ايام حرب مصر والجزائر......على ماتش كورة

 --------------

الكرة هى هواية نعشقها جميعا ونحب التحدث فيها....

ولكن تذكروا ان الكرة ليس بها وطنية...هى لعبة وهواية نعشقها.....

ان ملايين البهوات اللاعيبة والاعلاميين التى كنا نلتف حواليهم  اعمت عيونهم عن نبض الشعب ....بل وزايدوا بعد ذلك على حبهم للنظام فى مظاهرات تاييد الحزب الوطنى فى يوم اليوم الدامى الذى هجمت فيه فلول الحزب الحاكم واعتدوا على المتظاهرين فى (معركة الجمال) 

كلهم انبطحوا ....كلهم اختفوا....وسيخرجون قليلا قليلا لدعم الثورة على استحياء ....

اللاعبون ....هم لاعبون....دورهم لعب الكورة.....ودة درس ليهم...ومحدش يجيب سيرة وطنية تانى....وطبعا عقاب اللاعبين موجود فى نفوس الجماهير الكروية وهذا يكفى عليهم

انما الحساب العسير للسادة الاعلاميين والشخصيات الذين ظلوا طوال الازمة يبتسمون للشباب الثائر وضمائرهم تؤيد النظام وتتمنى ان ينجح النظام فى تسجيد وترنح الثورة

(شوبير...مرتضى منصور ...مدحت شلبى.....خالد الغندور......مجدى عبد الغنى.....مصطفى يونس ....حسن صقر....سمير زاهر.....كل اعضاء اتحاد الكورة....)

مش عايزين نشوف طلعتهم البهية تاااااااااااانى

اعتقد ان ده حقنا ....

وطبعا اتمنى ان لا ارى التوأم مرة اخرى....ولكن مش هأقدر اقولها احتراما اى زملكاوى لسة مش شايف غير الكورة وتعصبها

-------------

سؤال الموضوع

هل تتفق معى ؟؟؟

ام لا